alfabetoz

—

diskoak

BIKOTE, BIKOTE OTE?

«ZURETZAT»
KOLDO ETA ARANTXA IPARRAGIRRE
TRIKI ELKAR, 2003

Laztana muxu andana

elkarri pozik emana

egun bateko zorigaiztoak

zapuztu dezake dana.

Zerua ote mundua

ziztadaz sarri mindua

izarretara joan ote da

gure maitasun galdua.

Begira hainbat bikote

bizitza tristuraz bete

elkarbizitza amestuari

muzin egiten diote.

Batera bizitzen jarri

arazo txikiak larri

inbidiaren hatzaparretan

erortzen baikara sarri.

Bikote askok diote

gurea normala ote

ametsak hegan joan zaizkigu

penak gurekin diraute.

Musika: Koldo Iparragirre

Hitzak: Joxe Munduate