alfabetoz

—

diskoak

DIRUAREN PASARELA

«INSHALA»
ALAITZ ETA MAIDER
TRIKI ELKAR, 1999

Desioa zuzentzen du

pantailako imajinak

filmetako pertsonaien

sedukzio ukiezinak:

gizonezko perfektuak

ta emakumezko finak...

seriean egindako

plastikozko panpinak.

Publizitate bailatan

giharren indar-hutsala,

begiradaren beroa,

mihi puntaren zitala...

distiraz pintatutako

paisaia, gorputz sensuala...

gezurrezko amets baten

gezurrezko azala!

Diruaren pasarela

faltsukeriz lainotua,

ibilera hauskor baten

diamantezko soinekua,

milimetroko gorputza

urre gorriz bainatua,

ta bi begi tristerentzat

irrifar diseinatua.

Edertasun estandarra,

"gorputz perfektuen" dantzak

programatutako gogo

orokorraren ardatzak;

usteldutako ametsak

ezinezko esperantzak,

begiak itxita hobe

ikusten dira gauzak.

Musika: Alaitz Telletxea

Hitzak: Maialen Lujanbio