alfabetoz

—

diskoak

MUSEAN

«TRANPATAN»
JOSEBA IPARRAGIRRE
IZ, 1997

Berrogei karta eskutan

babarrun alean mahaian

bikoterik abilenak

beti elkarrekin lehian

musean jokatzen hasi

elkar menderatu nahian

orain bezain harro ezetz

amaierako garaian.

Jokatu leike dirua

edo laurentzat erronda

txapelketek ere dute

orain sekulako moda

aurrekoaren keinuak

itxuraz zaintzea on da

ez dago irabazterik

bat erdi lotan egonda.

Kartak ikusitakoan

zalantza asko kolkoan

ale batzuk jotzen hasi

edota pasoan joan

egia eta gezurra

nahasten diran jokoan

berdintsu balio dute

ondo ateratakoan.

Argitu dira haseran

ziraden hainbat zalantza

alde batera joan da

garaipenaren balantza

irabazleak betiko

poza, buila eta saltsa

galtzaileak hurrengoan

garaitzeko esperantza...

Hitzak: Sebastian Lizaso

Musika: J. Iparragirre