alfabetoz

—

diskoak

BILBO

«KALEJIRA AL-BUK»
KEPA JUNKERA
ELKAR, 1994 / 1998

(IPUINZAHARRAK)

Kalean noalarik behelaino goizetan

aurretik datozenek, ero begiradez

tirokatzen naute ba begi-begietan,

begi-begietan.

Kalean noalarik behelaino goizetan?

Artega doaz denak eskuak praketan,

presaka galtzeko gorantz zubietan.

Gorantz zubietan

kalean noalarik behelaino goizetan

Huriko goiz-euriak erreka du zauri,

albotik doazenak nora ote ihesi?

Mutu behartzen naute mutuen karraxi,

mutuen karraxi

Huriko goiz-euriak erreka du zauri.

Kafe bero-beroa zein beste eguzki?

Ene alboan zara, horrekin dut aski,

horrekin dut aski.

Huriko goiz-euriak erreka du zauri

Zoro bihotz eroaz maite zaitut Bilbo,

ta hilten banaiz ere ez naiz inoiz hilgo,

euri eta lainoetan beti naiz biziko,

beti naiz biziko.

Zoro bihotz eroaz maite zaitut Bilbo.

Zure oinetan mutu jausiko naiz, ziplo.

Hurrengo goiz-euriaz berriro jagiko,

berriro jagiko.

Zoro(en) bihotz eroaz maite zaitut Bilbo.

Hitzak: Edorta Jimenez

Musika: Kepa Junkera