alfabetoz

—

diskoak

BIHOTZ ZATITUA

«GOIZ EDO NOIZ?»
ETZAKIT
TRIKI ELKAR, 2000

Karrika ilunean barrena

euriz busti den lurrean pausoka

emakume bat aterkipean

etxerako bidean.

Beldurrik ez du baina

kezkaturik dihoa karrikan

bidean bakarrikan

sentitzen denean

(bakarrik karrikan).

Farola baten argi goibela

begiztatzen du urruntasunean

pausoen hotsak entzuten ditu

itzal bat dauka atzean.

Pausoa azkartuz

urduri jartzen ari da

aurrerantz dihoa, aurrera begira

pausoa azkartuz.

Gauean gordetzen da

erasotuaren

oihu sufritua.

Gauean gordetzen da

malkoen artean

bihotz zatitua.

Karrika ilunaren ertzean

farolaren argi goibel azpian

euri ttanttekin bustitzen dago

emakume baten gorpua.

Ondoan aterki bat

odol putzuan giltza batzuk

odol putzuan etxeko aterik

irekiko ez duten giltza batzuk.

Gauean gordetzen da

erasotuaren

oihu sufritua.

Gauean gordetzen da

malkoen artean

bihotz zatitua.

Hitzak: Jon Garmendia "Txuria"

Musika: Xabier Solano, Kaki Arkarazo