alfabetoz

—

diskoak

EUSKADIKO LOREA

«AGUR INTXORTA MAITE, 1936-37 gudako kantuak»
JOSEBA TAPIA
GAZTELUPEKO HOTSAK, 2001

Euskadik zeuzkan aunitz larrosa

t'abetako bat zan Irun:

bañan inbiriz zegon anaiak

beretzako nai omen zun,

oroitu gabe larrosak ere

arantz zorrotzak dauzkala

t'Irunen zeuzkan arantz zorrotzak

bere semeak zirala.

Irun artzera arro ta pozik

etsaia etorri zanian

Irunen zeuzkan seme guztiak

jarri ziraden atian.

Berrogeita bost egun egon zan

ezin sarturik etsaia,

bañan amaren seme txar batek

iriki zion atia.

Ala ta guztiz Irun zalako

dago bizirik Euskadi,

bestela etsaiak zapaldu zuben

bere oinpean aspaldi.

Bañan Irunek galazteatik

jokatu zuben bizia:

au galdu zuben bañan ez da gal

euskotarraren etxia.

Gernikan dagon zuaitz azpian

Euskadik dauzkan semiak

asiko dira Askatasunai

zabaltzen laster bidiak:

t'Iruneraño zatoztenian

ez egin negar anaiak!

Irun il bada piztuko dute...

bizirik dauzkan semiak!

Hitzak: Juan Ezenarro, Txori Txiki. 1937-III

Musika: Joseba Tapia