alfabetoz

—

diskoak

XALBADORREN HERIOTZEAN

«MATTIN ETA KATRIN»
MATTIN ETA KATRIN
eniXe Records, 2004

Adiskide bat bazen

orotan bihotz-bera,

poesiaren hegoek

sentimenduzko bertsoek

antzaldatzen zutena.

Plazetako kantari

bakardadez josia,

hiltzen lihoa iruten

Bere barnean irauten

oinazez ikasia...

ikasia.

Non hago, zer larretan

Urepeleko artzaina,

Mendi hegaletan gora

oroitzapen den gerora

ihesetan joan hintzana.

Hesia urraturik

libratu huen kanta,

lotura guztietatik

gorputzaren mugetatik

aske sentitu nahirik.

Azken hatsa huela

bertsorik sakonena,

inoiz esan ezin diren

estalitako egien

oihurik bortitzena...

bortitzena.

Non hago, zer larretan

Urepeleko artzaina,

Mendi hegaletan gora

oroitzapen den gerora

ihesetan joan hintzana.

Hitzak eta musika: Xabier Lete