alfabetoz

—

diskoak

JAUNARI ERREGU

«SOINU ETA KANTU»
KAXIANO
ELKAR, 1996

Neska-mutilak ezkontzen badoaz bizitza berrira

gero sendi bat osatzeko seme-alabak behar dira

eta seme-alabetatik bilobak etortzen badira

horra, lehengo neska-mutilak orain aiton-amonak dira.

Hiru belaunaldi konturatu gabe nola igaro ditugu

lurreko bizitza laburra da eta laister bukatuko dugu

lehenago hola zen, gaur ere hola da, hori ondo dakigu

geroa pakean atseden dezagun beti Jaunari erregu.

Gaur egun gazte zeratenak aurrera begiratugatik

arazoak izango dira batetik ez bada bestetik

baina jarraitu behar dezute itxaropeneko bidetik

gogoratuz entzundakoa zuen aiton-amonetatik.

Hiru belaunaldi konturatu gabe nola igaro ditugu

lurreko bizitza laburra da eta laister bukatuko dugu

lehenago hola zen, gaur ere hola da, hori ondo dakigu

geroa pakean atseden dezagun beti Jaunari erregu.