alfabetoz

—

diskoak

GERRA OSTEKO URTE BELTZAK

«IZENBURURIK GABE»
HAINBAT
AIAKO UDALA, 2005

Aia herria hain da zabala

Elkano bere auzua,

Getariaren eskinan dagon

bizkar alai ta gozua,

Zarautz herriak barru aldean

badaka bere trozua

neuk ere hantxe emana daukat

lehendabiziko pausua.

Aia-Elkano, Elkano-Aia,

badute hartu emanik,

honuntza sarri etorri ber zan

hain urrutiko izanik

gari entrega edo babarrun

inoiz etzan palta lanik

gerra ondoko urte beltz haiek

ondo goguan dauzkat nik.

Beti bazuten entregatzeko

gari edo babarruna

rezionamentu jaso beharra

izango zuten urruna

oinez etorri, izardi latza

ta bizkarretik lurruna

ibilaldi hoi egiten zuten

Sastizabaldik barruna.

Sarri Aiara etorri ber da

makiña bat mala letxe

tratorerik e orain bezela

etzegon etxerik-etxe,

oinez etorri, bueltan joateko

ez motor eta ez kotxe

oinak zeuzkaten pixkor askuak

bentajik handiña hortxe.

Hitzak: Markos Manterola

Doinua: Herrikoia

Aiako kaskotik urrun gelditzen diren auzoen garai bateko arazoak