alfabetoz

—

diskoak

GEZURRETAKO AZARIAREN BERTSOAK

«IZENBURURIK GABE»
HAINBAT
AIAKO UDALA, 2005

Txakur gorri txikitxo bat

faltatu zait neri,

arras galdu zan eta

ez da inon ageri;

ez diot maldiziorik

bota nahi inori,

hartaz baliatzen dena

ongi bizi bedi.

Manterola errotari

gizon abilla da,

nere txakur txiki hori

hark berak hilla da;

azeria duela

hor ibilia da,

zerbait bildu nahia badu

hark familiara.

Aiako herri noblia

pasatu orduko,

guztiok eman ezkero

franko du bilduko;

gaztain edo arraultzak,

txanpon eta kuarto,

aurtengo osagarria

badauka zierto.

Manterolako errota

Elorditik behera,

auzo legean guztiok

allegatzen gera;

lendabizi etorri zait

neronen etxera,

gezurrezko paperekin

arraultzak biltzera.

Nere txakur txiki leial

salati klarua,

azari kolorekua

illajez arrua;

harekin ibili danak

ona du garbua,

itxu aurreko balebil

a zer pajarua.

Amodiyomentean

dizut barkatuko,

aurrerantz ez dakit nola

zeran portatuko;

gure arten horrenbeste

balitz gertatuko,

ez ginake zu eta ni

zuzen dantzatuko.

Hitzak: Izuelako Artzaia

Doinua: Herrikoia

Izuelako Artzaiaren bertso sortarik ezagunena, garai bateko ohituren lekuko