alfabetoz

—

diskoak

UDARREGI

«IZENBURURIK GABE»
HAINBAT
AIAKO UDALA, 2005

Aspalditxotik asmo batzuek

zirikatutzen ninduten.

Izandu gera Udarregiren

jaiotetxea ikusten.

Uztataburu baserri ura

Aian bazela nunbaiten.

Tan-tan atea jo ordurako

bizkor ireki ziguten.

Beste famili bat bizi da gaur,

zein ongi artu giñuzten!

-Ezagutu al zenduten?

-Ez, ez; leen aldegin zuten.

Aren guraso agurgarriak

zer bide artu zituzten...

Olako leku politetikan

nora eraman ziñuzten?

Juan Joxe Alkain zuen deitura,

izen-abizen aaltsuak,

esanarekin bat nabaitutzen

dira euskaldun kutsuak.

Geroago zan Udarregi ta,

gerora ziran bertsuak.

Aurtzaro ura oroitzapen du

Uztataburu auzuak:

"leenengo negar an egin zuen

mutiko irripartsuak,

leenengo bere pausuak,

leenengo itz eztitsuak,

leenen jolasak, leenen okerrak,

leenengo lo paketsuak..."

Biotz aretan zuen kabia

gure euskera gaxuak.

Berealaxe oartu ziran

ingurumari aietan

bertso ederrak bazenitula

astean eta jaietan.

Arriz marrazten omen zenuen

idazteko garaietan,

eskolarikan gabea baiña

bizkorra zure gaietan.

Sentimenetan biotzarekin

alaia, bai, alaietan,

partaide sariketetan

ta sagardotegietan,

zenbat irripar jarrarazia

plazetan ta eztaietan!

Oraindik ere zure loreak

dabizkigu ezpaiñetan.

Hitzak: Nikolas Zendoia

Musika: Herrikoia

Aspaldiko Udarregi berriztatze asmotan egindako bertso sorta