alfabetoz

—

diskoak

JENDE JATORRA DAUKAGU AIAN

«IZENBURURIK GABE»
HAINBAT
AIAKO UDALA, 2005

Jende jatorra daukagu Aian

lehen ere halaxe zan da,

ezagutzen det gazte denboran

hemen bizitu nintzan da.

Bihotz handiko herria zera

zu hitz batean esanda,

zergatik maite nauzu hainbeste

ni ezerez bat izanda.

Hau egunaren edertasuna

hau pozaren txoramena,

nahiz eta jakin ni ez nintzala

hainbat merezi nuena,

baina, badakit Aiak hau dana

bihotzez egin duena,

bedeinka zazu herri polit hau

Aita zeruan zaudena.

Lehendabiziko eskertzen ditut

jai hau eratu dutenak,

eta hurrengo lan guztietan

parte hartu dezutenak.

Zer esanik ez ni erregaliz

hola jantzi nazutenak,

danok zerate esker beroak

merezi dituzutenak.

Euskal Herrian lagun maiteak

baditut alde danetan,

hau baino gauza handiagorik

zer leike mundu honetan.

Agur anaiak, agur arrebak,

hitzikan goxoenetan,

leial portatzen zeratelako

maite zaituztet benetan.

Hitzak: Manuel Lasarte

Doinua: Herrikoia

Aiako herriak Manuel Lasarteri eginiko omenaldian