alfabetoz

—

diskoak

ITURRIOTZKO SAN JOANETAN

«IZENBURURIK GABE»
HAINBAT
AIAKO UDALA, 2005

San Joanetan joan nintzan

Iturriotzera

gaztetako oroitzapenak

berriztatutzera

gauzak zihoaztelako

nahi nuen antzera

hura poza sortu zan

nere bihotzera.

Bazkalondoan bertsotan

zioten eraso

bi bertsolari handi

Maialen, Olaso,

bertso ederrak kantatu

zizkiguten oso

ta entzuleak txaloka

pozik eta gozo.

Gero trikitixa jotzen

hasi ziranian

hura kriskitin soinua

nere aldamenian

porrusalda, fandango,

arin-arinian,

alaitasuna ikusten zan

jende gehienian.

Iluntzean mutil-ardora

jartzean egarriz,

gazteak hartu ninduten

era maitagarriz,

trago batzuek hartuta

algaraz ta irriz

beren baimenarekin

joango naiz berriz.

Hitzak: Manuel Lertxundi

Doinua: Herrikoia

Hurrengo egunean gosaldu ere egin gabe jarritako bertsoak