alfabetoz

—

diskoak

OLERKITXO ERRIKOIA

«IZENBURURIK GABE»
HAINBAT
AIAKO UDALA, 2005

Erritarren ordezko

zugana nator AIA,

aitormen egiteko

badegu garaia.

AIAko seme alaba

alaba ta seme,

bakoitzak jarri bitza

belarriak erne.

Nola zu izan zeran

gure sorlekua,

maite degunarentzat

berdin gabekua.

Eman digu aterpe

eman digu jaten,

badegu lanik asko

eskerrak ematen.

Gañera egin gaituzu

euskeraren jabe,

antziñatik asi ta

etenikan gabe.

ALTXERRI koba zarra

daukagu testigu,

euskal aztarnak ortik

etorri zaizkigu.

Amalau milla urtez

gutxi gora bera,

euskeraz mintzatuaz

AIAn bizi gera.

Izkuntzak eman digu

bertsoen sustraia,

lenbiziko maixua

IZUELAko artzaia.

Gure bertsolaritza

arengandik dator,

eskerrak ematera

orregatik nator.

Aurrera jarrai dezan

mendeetan zear,

guk ere ez al degu

zerbait egin bear?

Izan dedin oitura

zar danen gordallu,

emen asmatu dira

ainbat triki-mallu.

Asmo hortaz sortua

da AIAko diska,

Lertxundik alkateari

eskerrak ematen dizka.

Nere eskerra denentzat

gaur iritxi dedin,

partaide guztientzat

eskeintzen det berdin.

Erlijio girora

orain garamatza,

ortan ere izan da

ainbeste mudantza.

Ezberdin dira garai

bakoitzan arauak,

lenbizi jentillak ziran

eta ondoren kristauak.

Kristautasuna indartsua zan

zerbait atzendu da lendik,

poztu gaitezen ez dago illa

bizia badu oraindik.

Oh! AIAtarrak maite ditzagun

Jainkoa eta euskera,

guk ori egiten ez badegu

seme jatorrak ez gera.

Bide orixe eman deiogun

sortu giñan erriari,

oitura zarrak erakutsiaz

belaunaldi berriari.

Olaxe emen jarraitutzea

nik nuke askoz naiago,

nere almenak amaitu dira

eta ezin det geiago.

Olerkitxo au eskeñia det

gure diskaren gerizan,

agur entzule biotzekoak

danok zoriontsu izan.

Hitzak: Joxe Mari Lertxundi

Aiako herriari buruzko olerkia neurri librean